No Anto so Ibaga Nipaakar ed Saray Magasin

Say Panag-Bantayan Mar. 15

“Pandinayewan na totoo ed interon mundo iray bangat nen Jesus. [Ibasa so pahina 3, parapo 1.] Balet, diad padesir yo, praktikal ni kasi iraman a bangat, a singa sayay nabasa’d sayan teksto? [Basaen so Mateo 5:21, 22a. Insan abuloyan ya onebat.] Sisingbaten na sayan magasin iray bangat nen Jesus tan no panon itayon nagunggonaan ed saratan.”

Awake! Mar. 22

“Labalabay na dakel a totoo iray palpalandey lapud karakpan na saratan, balet amta yo ta ya importante manaya iratan ed bilay diad dalin? [Abuloyan ya onebat.] Sisingbaten na sayan magasin no akin a kaukolan tayo iray palandey tan no anto lay nagagawa ed saratan natan. Ibabaga met na saya no panon ya apigeren na Dios iyan importantin yaman.” Basaen so Salmo 95:4.

Say Panag-Bantayan Abr. 1

“Wala ta lay nadngel yon angibaga a mankontraan kunoy siensia tan say Biblia? [Abuloyan ya onebat.] Susurien na sayan magasin so awaran na impansumlangan na siensia tan relihyon. Balet iprepresenta met na saya so ebidensya a say tuan siensia et mitunosan ed Biblia.” Ipanengneng so pahina 6-7. Insan basaen so Eclesiastes 1:7.

Awake! Abr. 8

“Diad padesir yo, panoy pakatulong na atateng ed ananak da a makapaliis ed saray problema legay makapaangat iran taon na inka-tinedyer? [Abuloyan ya onebat. Insan basaen so Isaias 48:17, 18.] Ipapanengneng na sayan magasin a say pangiyaplika ed simbawa na Biblia so ontulong ed saray ateng a nawalaan na maong a komunikasyon ed ananak da tan makapangigeter na makatunongan iran panameget ed sikara.”