No Antoy Ibaga Nipaakar ed Saray Magasin

Say Panag-bantayan Mar. 15

“Asali la na maslak ed sikatayo so inateyan. Kasin kabisado yo iyan makaligliwan sipan? [Basaen so Gawa 24:15. Insan abuloyan ya onebat.] Balet, panumamengan na dakel no, Siopa kasi so napaoli? Kapigan kasi itan nagawa? Iner itan nagawa? Wadia ed sayan magasin iray ebat na Biblia ed saratan a tepet.”

Awake! Mar.

“Panisiaan na dakel a totoo a si Jesus so Dios. Balet, makapainteres ta say babangatan nen Jesus a si Pedro so anawag ed sikato ya Anak na Dios. [Basaen so Mateo 16:16.] Diad padesir yo, posible kasin si Jesus et magmaliw a parehon Dios tan Anak na Dios? [Abuloyan ya onebat.] Say artikulo dia ed pahina 12-13 so manguusisa ed sayan tepet, tan mangiiter na punto de bista na Biblia.”

Say Panag-bantayan Abr. 1

“Sayan bantog a diparan so mangipapabitar ed kaimportantian na pangala na pikakabat nipaakar ed Dios. [Basaen so Mateo 4:4.] Balet, dakel a totoo so naiirapan a mantalos ed Salitay Dios. Kasin ontan yo met? [Abuloyan ya onebat.] Iyoopresi na sayan magasin iray praktikal a suhestion a makatulong ed sikatayon natalosan so Biblia.”

Awake! Abr.

“Dakel a totoo so manggugunaet a nawalaan na liket, balet ompatnag a daiset so makakaromog ed satan. Diad padesir yo, kasin makatulong ed totoo irayay akalista dia pian nawalaan na mas maliket a kabibilay? [Ipanengneng so kahon ed pahina 9. Insan basaen so sakey ed nisitas iran teksto.] Sisingbaten na sayan isyu na Awake! so nibase ed Biblia a lapuan na tuan liket.”