No Anto so Ibaga Nipaakar ed Saray Magasin

Say Panag-bantayan Ago. 15

“Labay kon amtaen so opinyon yo ed ibabaga na saya. [Basaen so Hebreos 3:4.] Kasin onabobon kayo a walay intelihentin Nandesinyo ed uniberso? [Abuloyan ya onebat.] Uusisaen na sayan magasin no kasin mitunosan ed tuan siensia so panisia a walay Nandesinyo.”

Awake! Ago.

Sano sakey a kalangweran so nakatongtong, nayarin ikuan yo: “Dakel a kaedaran mo et abiktima la na mabanday a tsismis. Kasin agawa met la itan ed sika? [Abuloyan ya onebat.] Sano biktima itayo na tsismis, mangiiter na maabig a simbawa so Biblia a makatulong ed sikatayo. Ipapanengneng met na satan no panon tayon paliisan so makapasakit a tsismis.” Iparungtal so artikulo ya onggapo ed pahina 12, tan basaen so sakey ed saray teksto manlapud artikulo.

Say Panag-bantayan Set. 1

“Ipasen na dakel a say ‘Daan a Sipan’ et mangitatarya na makatulong a maawaran ya impormasyon. Balet panduaruwaan da no kasin saray totontonen ditan et makabaliksan ni natan. Antoy nikuan yo ey? [Abuloyan ya onebat. Insan basaen so Roma 15:4.] Ipapabitar na sayan magasin no panon a say ‘Daan a Sipan’ so mangitatarya na makagunggonan simbawa parad inagew-agew a panagbilay tan peteg ya ilalo ed arapen.”

Awake! Set.

“Diad padesir yo, kasin manlalapud Dios iray desyang? [Abuloyan ya onebat. Insan basaen so Deuteronomio 32:4.] Uusisaen na sayan magasin no akin ya inabuloyan na Dios a nagawa iray desyang. Ipapabitar met na satan no panon yon protektaan so pamilya yo.”