Saray Panonot ed Memoryal

Kaukolan ya imanoen na saray mamatatken so onggendan iran pamaakaran bilang preparasyon ed Memoryal:

◼ Seguroen ya agni ipapasa iray emblema no agni sinmelek so agew.

◼ Iparaan la so matukoy a klase na tinapay tan alak.​—Nengnengen so Pebrero 15, 2003 a Panag-Bantayan, pahina 14-15.

◼ Kaukolan ya ilira lan masakbay ed hall iray plato, kopa, tan matukoy a lamisaan tan apis.

 ◼ Kaukolan a say Kingdom Hall odino arum a pasen a pantiponan so masakbay lan linisan a maong.

◼ Kaukolan a saray attendant tan managserbi so masakbay lan pilien tan bilinen nipaakar ed saray asainmin da, dugan paraan a tumboken, tan kaimportantian na mapagalang a panangawes tan panag-ayos.

◼ Iyuksoy so pangiserbi ed saray emblema ed siopaman ya alanaan a maletey la tan agla makayarin onatendi.

◼ Sano pigaran kongregasyon so akaeskedyul a mangusar ed parehon Kingdom Hall, kaukolan a walay maabig a koordinasyon na saray kongregasyon pian napaliisan so panseseksekan ed lolooban, dadalanan, tan paradaan.

◼ No mangusar na sananey a pasen a pantiponan, seguroen a maabig so sound system ta pian narengel na amin ya onatendi so espiker.