Tulong ed Pampulong Panamegley na Telepono

Anggaman say manunan paraan tayo na panagpulong et panagkabkaabungan, say pampulong panamegley na telepono et sakey ya epektibon paraan pian niyabawag so maong a balita diad teritorya na kongregasyon, lalo la no wala ray dakel ya abung a mairap tayoy makaloob.​—Luc. 10:5-7; Gawa 5:42; 20:20.

Sayan paraan na panagpulong et makapaseseg ed saray agagin naiirapan ya manakar tan lanang a walad abung. Panliketan na saray manangipalapag so pampapasesegan legan ya mibibiang ed sayan paraan na panagpulong kaiba iratan a matoor ya agagi. (Roma 1:11, 12) Ontan met, no aliwliway panaon, ompan mas labay na saray manangipalapag so manpulong panamegley na telepono. Kaslakan et nepeg ya melag labat iray grupo pian anggapoy nasayang ya panaon.

Makatulong so work sheet ya walad pahina 5-6 sano manpulong panamegley na telepono. Walay intaryan napansulatan na kaaruman ya presentasyon ya epektibo ed teritorya yo odino mas labay mon usaren. Sarag mon ipa-photocopy so work sheet pian satan so pansulatan imbes a say orihinal ya kopya. Mas marakep no akayurong ka tan walay lamisaan ya pangitapewan moy work sheet.

Anto ni ray kaukolan mo sano manpulong ka panamegley na telepono? Nengnengen iyan listaan no manpaparaan ka.

◼ Biblia

◼ Reasoning From the Scriptures

◼ Good News for People of All Nations

◼ Anto so Peteg ya Ibabangat na Biblia?

◼ Saray balon magasin tan Ministeryo Tayo ed Panarian

◼ Nanduruman tract tan brosyur

◼ Saray handbill

◼ House-to-house record tan lapis odino ballpen

ISINOP

WORK SHEET PARAD PAMPULONG DIAD TELEPONO

TANDAAN IRAYA:

◼ Relaks tan natural ka labat. Magmaliw a magalang, maanos, tan makaaro.

◼ Agmapmaples a mansalita, nonoten a maong so ibaga, tan duga labat so kakasil na boses.

◼ Onimis tan manandawes a singa nanenengneng ka na katongtong mo.

◼ Paliisan so mabetbet ya itunda no agmet kaukolan.

◼ Abuloyan mon mansalita so katongtong mo tan pisalamatan mo ed ibaga to.

◼ No nantepet, uliten itan ya sankarengel na kaibam pian natulongan to kan mananap na ebat ed Biblia, diad libron Reasoning, odino diad arum ya publikasyon. (Mas maabig no ag-aka-loudspeaker so telepono.)

◼ Agbibitlaen so nipaakar ed panagdonasyon ta ompan isipen da laingen ya onkekerew tayoy kuarta. Diad dugan panaon, sano akapannengnengan kayo la, nayarin ibagam ed sikato ya say kimey tayo et susuportaan na boluntaryon donasyon.

SARAY KONKLUSYON:

◼ “Hello. Siak si . . . Tinmawag ak ta agak makaonla ditad sikayo. Taga ak dia labat. [Nayarin ibagam so ngaran na barangay yo.] Labay kon naamtaan so opinyon yo nipaakar ed . . . ”

◼ “Hello. Siak si . . . Bilang public service, ontutulong ak ed saray totoo ed lugar tayo pian naebatan iray tepet da nipaakar ed Biblia. Naisip yo la kasi . . . ?”

◼ “Hello. Siak si . . . Agak manlalako; Taga ak labat dia ed . . . Street. Dakel ed lugar tayo so napapagaan ed . . . ” [Mangibaga na kaplesan a balita ya pantotongtongan ed lugar yo.]

◼ [Manggaway sarilim.]

[Insan ituloy moy presentasyon mo. Nayarin manbasa ka na suhestion manlapud libron Reasoning, Ministeryo Tayo ed Panarian, o mangiparaan kay sarilim.]

◼ [Manggaway sarilim.]

Pian niyopresi so panangiyaral na Biblia diad unonan pitongtong:

◼ “Hello. Siak si . . . Taga ak labat dia ed . . . Street. Tinmawag ak ta manbabangat ak na Biblia ya libre tan walay bakantin eskedyul ko. Nia ray arum a topic ya nayarin pantongtongan ed Biblia yo. [Mangibasa na duara o taloran title na kapitulo ed libron Ibabangat na Biblia.] Dinan ed saraya so labay yon pantongtongan? [Abuloyan ya onebat.] Sarayan title ya binasak et walad libron Anto so Peteg ya Ibabangat na Biblia? Maliket ak ya onla ditan ed sikayo pian isamar so kopya yo. Anggapoy bayar to ’ya.”

No agmakadesisyon so householder, nayarin ibagam:

◼ “Odino seguro ontawag ak lamet ed sikayo pian pantongtongan tayo no antoy ibabangat na Biblia ed topic ya labay yo. Wala kayod abung no onia ran oras?”

◼ [Manggaway sarilim.]

No ibaga na householder . . .

“ANTOY RELIHYON YO?”

◼ “Sakey ak ed Saray Tasi nen Jehova,” insan ituloy lay presentasyon mo.

“PANON MON NALAY NUMBER KO?”

◼ “Diad directory,” insan ituloy lay presentasyon mo.

“AKASULAT SO NGARAN KOD DO-NOT-CALL LIST.”

◼ “Agak manlalako kanian anggapod siak ’tan ya listaan,” insan ituloy lay presentasyon mo.

No kerewen na householder ya aglan balot tatawagan na saray Tasi nen Jehova . . .

◼ “Sige, tandaan ko itan, gawaen mi anggaay nayarian mi ya unoren so imbaga yo,” insan agla itutuloy so presentasyon mo. [Manggaway nota ya akasulat so ngaran na too tan petsa insan ikarga ed territory envelope.]

No say inmebat et answering machine . . .

◼ “Siak si . . . , tinmawag ak lapud ontutulong ak ed saray totoo pian naebatan iray tepet da ed Biblia bilang public service. Sige, ontawag ak lamet.”

◼ [Manggaway sarilim.]

SARAY KONKLUSYON:

◼ “Wala diay publikasyon ya labay kon iter ed sikayo ya mangiiter na kaaruman ya impormasyon ed sayan topic. Maliket ak ya isamar ’ya ed sikayo. Anggapoy bayar to ’ya.”

◼ “Na-enjoy koy impitongtong kod sikayo. Sarag ton ombisita ak (kaibay asawak) ed abung yo pian napantongtongan tayon maong iyan topic? Nayari tayon pantongtongan so ebat ed sayan tepet: ․․․․․.”

◼ “Na-enjoy koy impantongtong tayo. Diad onsublay ya itawag ko, labay kon pantongtongan tayo so ebat na Biblia ed sayan tepet: ․․․․․. OK labat so ontawag ed onian oras?”

◼ [Manggaway sarilim.]

No singa aglabay na too ya ombisita ka ed sikato, nayarin ibagam:

◼ “No labay yo, maliket kon ipawit iyan publikasyon ed sikayo.”

◼ “Odino ompan sarag ton ontawag ak lamet pian naituloy tayoy pantotongtongan tayo. No onia ran oras wala kayo labat ed abung?”

◼ [Manggaway sarilim.]