No Antoy Ibaga Nipaakar ed Saray Magasin

The Watchtower Setyembre 1

“No maminsan et makakagawa na mauges a bengatla iray totoo lapud lingon debosyon da ed relihyon. Parad sikayo, antoy makasengeg akin et aloko iran maong? [Abuloyan ya onebat.] Imanoen yo pa iyan ipapaseseg na Biblia. [Basaen so 1 Juan 4:1.] Ipapaliwawa na sayan artikulo no akin ya importantin ikompara iray papanisiaan tayo ed no antoy ibabaga na Salitay Dios.” Ipanengneng so artikulo ya onggapo ed pahina 10.

Awake! Setyembre

Basaen so Mateo 5:39. Insan ibaga: “Kasin ipapatnag na sarayan salita nen Jesus ya agtayo la onesel anggano walay manggawa ed sikatayo na mauges? [Abuloyan ya onebat.] Ipapaliwawa na sayan artikulo no anto so ibabaga na Biblia nipaakar ed panangidepensa na sarili tan ikerew na legal a proteksion.” Ipanengneng so artikulo ya onggapo ed pahina 10.

Say Panag-Bantayan Oktubre-Disyembre

“Saray totoo ed interon mundo, antokaman so relihyon da et manpipikasi. Kasin manisia kayo a talagan dedengelen tan eebatan na Dios iray pikakasi? [Abuloyan ya onebat.] Papasesegen itayo na Biblia a manpikasi. [Basaen so Filipos 4:6, 7.] Ibabaga na sayan magasin no anto so ebat na Biblia ed pitoran manunan tepet nipaakar ed pikakasi.”

Awake! Oktubre

“Makakarengel itayon lanang na saray totoon trinaidor na saray kaasawaan da, saray politiko, tan arum ni ra. Kasin manisia kayo a natan et agaylay irap so pakalmoy napanmatalkan a totoo? [Abuloyan ya onebat.] Dakel so manisia a sayan teksto ed Biblia et nasusumpal la natan. [Basaen so 2 Timoteo 3:1-5.] Ipapaliwawa na sayan magasin no iner so pakaromogan na saray napanmatalkan a totoo.”