No Anto so Ibaga Sano Iyopresi Iray Magasin

The Watchtower Disyembre 1

“Mipakna kayo a mas naiirapan iray mansusulon atateng nen saramay atateng ya walay asawa? [Abuloyan ya onebat.] Papasesegen itayo na Biblia a magmaliw a makonsidera ed saramay nabebelatan. [Basaen so Salmo 41:1.] Ipapaliwawa na artikulo ya onggapo ed pahina 22 no panon tayon nipanengneng so konsiderasyon ed saray mansusulon atateng.”

Awake! Disyembre

“Dakel so mangitetepet, ‘No walay Dios, akin et agto deralen so Diablo?’ Naisip mo met la kasi itan? [Abuloyan ya onebat.] Ebatan na sayan artikulo ed pahina 10 tan 11 itan a tepet panamegley na Biblia. Ibaga to met no antoy nagawa’d mundo sano naandi lay Diablo.” Basaen so Apocalipsis 21:3, 4.

Saypanag-Bantayan Enero-Marso

“Panisiaan na dakel a totoo ya istorya labat so hardin na Eden. Pankelawan yo kasi no naamtaan yon sinalambit nen Jesus si Adan tan Eva bilang tuan nambilay? [Abuloyan ya onebat. Insan basaen so Mateo 19:4-6.] Naebatan ed sayan magasin iray kaslakan ya tepet nipaakar ed hardin na Eden.”

Awake! Enero

Ipanengneng so arap na magasin tan itepet, “Panon yon ebatan iyan tepet? [Abuloyan ya onebat.] Papasesegen na Kasulatan iray totoo ya mikareenan. [Basaen so Santiago 3:17.] Akin balet et agnapankasakey na relihyon so katooan? Kasin say relihyon so makapangiter na kareenan? Ipapaliwawa na sayan magasin iray ebat ed saratan ya tepet.”