Pangaligan Iran Presentasyon

Pian Makapangigapoy Panangiyaral na Biblia ed Unonan Sabado na Hunyo

“Asali ti lan amin so inateyan na kapamilya o kaaro. Labay yo kasin nanengneng ira lamet? [Abuloyan ya onebat.] Imano yo pa iyan makapalikliket a punto.” Basaen tan ipaliwawa so unonan subheading ed pahina 16 na Hunyo 1 ya isyu na The Watchtower tan sakey ed saray nisitas a teksto. Iyopresi iray magasin, tan iyeskedyul so ipawil pian pantongtongan so onsublay ya tepet.

The Watchtower Hunyo 1

“Dakel so naiirapan ya pasustoey anap da, say arum et agda anggan nitaryay manunan kaukolan da. Parad sika, onsabi kasi panaon ya anggapo lay mairap-bilay? [Abuloyan ya onebat. Insan basaen so Salmo 9:18.] Ipapanengneng na sayan magasin no akin et maniirap tayo tan no antoy ibabaga na Biblia a tuan solusyon ed sayan problema.”

Awake! Hunyo

“Apektadoy interon mundo ed terorismo. Parad sika, antoy sengegan na terorismo? [Abuloyan ya onebat.] Say Biblia so mangiiter ed sikatayo na ilalo. [Basaen so Salmo 72:7, 14.] Ipapaliwawa na sayan magasin so pigaran rason no akin et walay terorismo tan ipapanengneng to met so ibabaga na Biblia no panon tan kapigan mangangga itan.”