Pangaligan Iran Presentasyon

Pangigapoy Panangiyaral na Biblia ed Unonan Sabado na Hunyo

Basaen so Isaias 42:8. Insan ibaga: “Ibabaga to dia ya walay ngaran na Dios. Parad sika, importante kasin usaren tayoy ngaran na Dios? [Abuloyan ya onebat.] Imanoen so ibabaga na saya.” Iderew ed householder so Hunyo 1 ya Watchtower, tan pantongtongan so unonan tepet tan ebat ed pahina 16. Iyopresi iray magasin tan iyeskedyul so ipawil pian pantongtongan so ebat ed ontumbok ya tepet.

The Watchtower Hunyo 1

“Labay kon naamtaay opinyon yo nipaakar sakey ya importantin topic. [Ibukay ed pahina 3, tan ituro iray akalista.] Dinan ed saraya so papanisiaan yo nipaakar ed Biblia? [Abuloyan ya onebat.] Imanoen no antoy ibabaga na Biblia nipaakar lanlamang ed Biblia. [Basaen so Roma 15:4.] Ipaliwawa na sayan magasin so limaran rason no akin a say Biblia et nikadkaduman libro tan no panon tayon nagunggonaan ed satan.”

Awake! Hunyo

“Kada taon, diad interon mundo et minilyon so makakaalay sakit ed kakanen da. Parad sika, malinis kasi tan agmangiter na sakit iray panangan ed lugar yo? [Abuloyan ya onebat.] Ipaliwawa na sayan magasin so apatiran paraan ya naprotektaan tayoy pamilya tayo manlapud sakit ya naalad panangan. Ipaliwawa to met so sipan na Biblia ya onsabi panaon et panliketan na amin so dakdakel ya masustansian panangan.” Basaen so Salmo 104:14, 15.