Maabig ya Paraan a Na-enjoy Iray Kingdom Song

Parad saray lingkor na Dios, say musika et balibalin regalo a nanlapud si Jehova. (Sant. 1:17) Panliliketan na dakel a kongregasyon so makalnan pampatogtog na saray Kingdom song antis tan kayari aral. Makaparelaks so pakarengel ed saratan kasabi tayod saray pantitipon. Makatulong iratan pian niparaan so isip tayo parad panagdayew. Ontan met, no patogtogen iray balon kansion diad songbook tayo, nakabisado tayo ray tono tan ontulong itan pian dugay pangansion tayo. Say pampatogtog na ontan iran musika kayari aral et mangarum na ligsa pian na-enjoy so pampapasesegan. Kanian nepeg ya manggaway matukoy ya uksoyan iray ulop na mamatatken pian manpatogtog na musika manlapud Sing to Jehovah​—Piano Accompaniment antis tan kayari na aral. Nepeg dan seguroen ya dugaruga labat so kakasil pian makapandedengelan iray mantotongtong.