Pangaligan Iran Presentasyon

Iner Naamtaay Ebat ed Importante Iran Tepet?

Iderew so tract ed householder pian nanengneng toy title insan ibaga: “Walay kampanya mi ed interon mundo ya ibunog iyan importantin mensahe. Niay kopya yo.”

No itilak so tract ed saray abung ya anggapoy too, iyan itan ed pasen ya agsankanengneng na saray ondadalan tan agtutupien no agmet kaukolan.

No interesado so householder o labay toy mitongtong, nayarim ya tepeten so opinyon to ed tepet ya walad arap. Ilukas so tract tan ipanengneng mod sikato so ibabaga na Salmo 119:144, 160. Ipaliwawam ya walad satan a tract iray impormasyon nipaakar ed Web site ya makatulong ed sikaton naalmo iray makapnek iran ebat diad Biblia. Sarag mon i-play so video ya Akin ya Aralen so Biblia? Antis kan onalis, ipaimano so taloran tepet diad beneg na tract tan tepeten no dinan ed saratan so talagan paninteresan to. Ibagam ya ompawil ka pian ipanengneng ed sikato no panon ya anapen so ebat na Biblia ed satan a tepet ya usaren so jw.org/pag. Diad ipawil mo, pantongtongan so ebat diad seksion ya PUBLIKASYON > LIBRO TAN BROSYUR.

The Watchtower Agosto 1

Diad saray sabado tan simba, no matukoy, oniay ibaga no iyopresi so The Watchtower: “Labay mi met ya iyopresid sikayo iray balon magasin mi. Ipaliwawa na sayan isyu na The Watchtower no kasin interesado so Dios ed sikatayo.”

Awake! Agosto

Diad saray sabado tan simba, no matukoy, oniay ibaga no iyopresi so magasin ya Awake!: “Labay mi met ya iyopresid sikayo iray balon magasin mi. Ipaliwawa na sayan isyu na Awake! no panon ya niwalay deen ed saray totoo.”