Pangaligan Iran Presentasyon

The Watchtower Abril 1

“Ibubunog mi ya natan ed saray totoo diad lugar yo. [Iderew ed unabung so tract ya Antoy Pangipapasen Mod Biblia? insan itepet ed sikato iray tepet ed arap. Ipanengneng ed sikato so ebat na Biblia base ed 2 Timoteo 3:16, tan pasesegen ya basaen so tract no walay panaon to.] Ag-amta na dakel ya walay ebat na Biblia ed sarayan tepet. [Ipanengneng iray tepet diad unonan artikulo na Watchtower.] Nanengneng ed sayan magasin no panon yon naalmo iray ebat diad mismon Biblia yo.”

Onliing! Abril-Hunyo

“Ombibisita kamin magano pian ipanengneng ed totood lugar yo iyay balon isyu na Onliing! Ikokonsidera na saya so ebat ed sayan makapainteres ya tepet. [Ipanengneng so apis.] Labay kon naamtaay opinyon yo ed sakey a prinsipyod Biblia ya abitlad sayan magasin. [Basaen so Uliran 29:11.] Parad sikayo, matukoy ni kasi ya natan? [Abuloyan ya onebat.] Ipaliwawa na sayan magasin so apatiran prinsipyo na Biblia tan no panon itayon nagunggonaan no iyaplika tayo iratan.”