Pangaligan Iran Presentasyon

Pangigapoy Panangiyaral na Biblia ed Unonan Sabado na Oktubre

“Ombibisita kamin magano ed saray totoo pian pantongtongan so nipaakar ed maong a gobierno. Parad sikayo, wala kasi gobierno ya sarag ton ekalen iray mairap a problema, singa say karawalan tan ag-inkahustisya?” Abuloyan ya onebat. Ipanonot ed householder ya diad samay Pikakasi na Katawan, imbangat nen Jesus iray papatumbok to ya ipikasin onsabi komon itan ya gobierno, say Panarian na Dios. Ipanengneng so beneg na Oktubre 1 ya Watchtower, tan pantongtongan so unonan tepet tan anggan sakey a teksto. Iyopresi iray magasin, tan iyeskedyul so ipawil mo pian pantongtongan so onsublay a tepet.

The Watchtower Oktubre 1

“Mitotongtong kamin magano ed saray totoo nipaakar ed sarayan salita ya walad kabkabat a pikakasi ya imbangat nen Jesus ed saray papatumbok to. [Basaen so Mateo 6:9, 10.] Wala la kasi angipaliwawa ed sikayo nipaakar ed no anto so Panarian na Dios tan no akin ya indanet itan a maong nen Jesus ed impambangat to? [Abuloyan ya onebat.] Ipapanengneng na sayan magasin no antoy ibabaga na Biblia nipaakar ed Panarian na Dios, ontan met ed arum nin marakdakep iran gawaen na satan diad dalin.”

Onliing! Oktubre-Disyembre

“Amin lawari et akaeksperiensya lay trahedya balanglan kalamidad, makapatey a sakit, odino ipatey na inad-aro. No nagawa iratan, importante kasi pansiansian positibo? [Abuloyan ya onebat.] Naamtaan na dakel ya makatulong so Biblia pian nasarag iray trahedya. [Basaen so Roma 15:4.] Ipapaliwawa na sayan magasin no panon itayon natulongan na Biblia no nipaarap tayod trahedya.”