Pangaligan Iran Presentasyon

Pangigapoy Panangiyaral na Biblia ed Unonan Sabado na Disyembre

“Ombibisita kamid saray pamilya bilang public service. Labay na dakel ya atateng ya aroen na ananak da so Dios. Parad sika, kaya kasi na atateng ya ibangat ‘tan ed ananak da, odino bahala la ray ananak ya aralen itan?” Alagaren ya onebat. Ipanengneng so beneg na Watchtower ya Disyembre 1, tan pantongtongan yon dua so unonan tepet tan anggan sakey ya nisitan teksto. Iyopresi iray magasin, tan iyuksoy so ipawil pian pantongtongan so onsublay a tepet.

The Watchtower Disyembre 1

“Ombibisita kami pian mitongtong tungkol ed Dios. Amta min walay kanya-kanyan opinyon tayo tungkol ed Dios. Parad sika, sakey labat kasin puersa so Dios odino sakey a kaaron mangiyaansakit ed sikatayo? [Alagaren ya onebat.] Ibabaga na sayan bersikulo ed Biblia no antoy labay na Dios ya relasyon tayod sikato. [Basaen so Santiago 4:8a.] Nabasa ed sayan magasin so taloran nagawaan tayo pian mas onapit ed sikato.”

Awake! Disyembre

“Ombibisita kami ta dakel natan so naproproblema lapud sakit ed isip. Base ed World Health Organization, diad apatiran totoo et sakey so makakasali sakit ed isip, a singa say depresyon. Di ba, ondadakel natan so mansasakit na ontan? [Alagaren ya onebat.] Ibabaga na Biblia ya diad arapen, anggapo lay sakit tan irap. [Basaen so Apocalipsis 21:3, 4.] Nabasad sayan magasin so pigaran impormasyon ya kaukolan a naamtaan tungkol ed sakit ed isip.”