Pangaligan Iran Presentasyon

Pangigapoy Panangiyaral na Biblia ed Unonan Sabado na Enero

“Labay min laen so opinyon mo. Parad sika, antoy ngaran na Dios? [Abuloyan ya onebat.] Imanoen so ibabaga na saya.” Iderew ed householder so Enero 1 ya Panag-bantayan, ipanengneng so artikulo ed beneg, tan pantongtongan so unonan tepet tan anggan sakey a teksto. Iyopresi iray magasin tan iyeskedyul so ipawil pian pantongtongan so ontumbok ya tepet.

Say Panag-Bantayan Enero–Pebrero

“Pantotongtongan na dakel so nipaakar ed anggaan na mundo. Parad sika, kaukolan tayo kasin takotay anggaan na mundo? [Abuloyan ya onebat.] Unong ed ibabaga na saya, wala ray makaliktar. [Basaen so 1 Juan 2:17.] Nabasad sayan magasin so ebat na Biblia ed apatiran popular ya tepet nipaakar ed anggaan na mundo.”

Onliing! Enero–Marso

“Ompapasyar kamid saray pamilya bilang public service. Parad sika, kasin importante ya unoren na saray pamilya iyan imbaga nen Jesus? [Basaen so Gawa 20:35b. Insan abuloyan ya onebat.] Talagan mairap ya ibangat iray ugugaw ya agmagmaliw a makasarili ta wala tayod mundon say nononoten labat na totoo et sarili da. Nabasad sayan artikulo iray praktikal a paraan ya nibangat na atateng iray ananak dan magmaliw a makalakal.”