Pangaligan Iran Presentasyon

Pangigapoy Panangiyaral na Biblia ed Unonan Sabado na Nobyembre

“Maslak ed sikatayo et malabay ed maong a gobierno. Parad sika, anton klase na gobierno so makapanresolbe ed problema na katooan? [Abuloyan ya onebat.] Imanoen pay ibabaga na saya.” Iderew ed householder so Nobyembre 1 ya Watchtower, tan pantongtongan so unonan tepet tan ebat ed pahina 16 tan anggan sakey ya teksto. Iyopresi iray magasin tan iyeskedyul so ipawil pian pantongtongan so ontumbok ya tepet.

The Watchtower Nobyembre 1

“Labay min naamtaay opinyon yo. No bilang ta sarag yoy mantepet ed Dios, antoy itepet yo ey? [Abuloyan ya onebat.] Unong ed si Jesus, manepeg labat ya anapen iray ebat ed saray masimoon ya tepet tayo. [Basaen so Mateo 7:7.] Walad sayan magasin iray ebat na Biblia ed sarayan taloran importantin tepet.” Ipanengneng ed householder iray tepet ya walad leksab na pahina 3.

Awake! Nobyembre

“Wadia kami natan bilang public service ed saray pamilya. Dakel la natan so pamilyan sakey labat so ateng. Parad sika, mas mairap kasi kipapasen na saratan a pamilya nen saramay pamilyan duaray ateng? [Abuloyan ya onebat.] Aromog na dakel ya ateng iray praktikal ya simbawa ed Biblia. [Basaen so 2 Timoteo 3:16.] Nabasad sayan magasin so arum ya suhestion ya ontulong ed saray ateng ya anggapoy asawa ra pian maabig dan nagawaan so mairap ya betang da.”