Pangaligan Iran Presentasyon

Pian Makapangigapoy Panangiyaral na Biblia ed Unonan Sabado na Nobyembre

“Parad sika, mas maliket kasi iray totoon ontutulok ed Dios? [Abuloyan ya onebat.] Wala ray balibalin naaralan mo ed sayan magasin.” Ikdan so unabung na kopya na Nobyembre 1 ya isyu na The Watchtower. Basaen tan pantongtongan so sakey ed saray tepet ed pahina 16-17. Basaen so anggan sakey ed saray teksto. Iyopresi iray magasin, tan iyeskedyul so ipawil pian konsideraen so ebat ed ontumbok ya tepet.

The Watchtower Nobyembre 1

“Parad arum, say ibabaga kuno na Biblia nipaakar ed sex et karaanan la tan mapegpeget. Pero, wala met iray manisia ed Biblia. Sika ey? [Abuloyan ya onebat.] Imanom no siopay nanlapuan na saray prinsipyo ed Biblia. [Basaen so 2 Timoteo 3:16.] Ipapanengneng na sayan magasin no antoy ebat na Biblia ed saray samploran kaslakan a tepet nipaakar ed sex. Ipapaliwawa met na saya no panon a makagunggonad sikatayo iray prinsipyo na Biblia.”

Awake! Nobyembre

“No usisaen tayon maong so uniberso, nibaga tayo kasin walay Amalsa odino basta labat linmesay amin a bengatla? [Abuloyan ya onebat.] Oniay imbaga na sakey ed saray nansulat na Biblia nen inusisa toy uniberso. [Basaen so Roma 1:20.] Ipapaliwawa na sayan magasin no anto ray adiskobre na saray scientist ed cell na too a mamalinew ed sayan isyu.”