Pangaligan Iran Presentasyon

Kampanya na Pangimbitad Memoryal

“Mangiiter kami imbitasyon parad importantin okasyon. No Abril 3, minilyon ed interon mundo so mantitipon pian nodnonoten so impatey nen Jesu-Kristo tan ondengel ed libren paliwawa nipaakar ed no panon itayon minabang ed impatey to. Nabasad sayan imbitasyon no anton oras tan no iner iya nagawa.”

Say Panag-bantayan Marso–Abril

“Singano naynay lan problema so kurapsion ed gobierno. Akin kasi et oniay nagagawa? [Abuloyan ya onebat.] Balibali yay ibabaga na Biblia. [Basaen so Eclesiastes 7:20.] Nabasad sayan magasin so ibabaga na Biblia ya solusyon ed kurapsion. Labay kon nabasa yo ya. Niay kopya yo.”

Awake! Marso

“Ombibisita kamin magano pian ipanengneng ed saray totoo yay balon isyu na Awake! [Ipanengneng so apis.] Kada sakey et walay sarili ton opinyon ed sayay unonan tepet: ‘Wala kasi Dios?’ Parad sika, siopay mas positibo ed arapen​—saramay manisiad Dios odino saramay agmanisia? [Abuloyan ya onebat.] Oniay sipan na Dios ya mangiiter na ilalo ed dakel a totoo. [Basaen so Salmo 37:10, 11.] Nabasad sayan magasin so apatiran rason no akin ya nepeg tayon usisaen no kasin walay Dios.”