Kaukolan so Panagparaan Pian Magmaliw a Marunong ed Panagbangat

Amiduan tinepetan si Jesus nipaakar ed andi-anggaan a bilay, tan kada ebat to et inyadapta tod pankaukolan na mantetepet. (Luc. 10:25-28; 18:18-20) Kanian anggano kabkabisado tayo lay iyaaral tayon publikasyon, kaukolan tayoy manparaan, ya sankanonot tayoy iyaaralan tayo. Anto ran topic so nayarin mairap ton talosan odino awaten? Dinan ed saray teksto so nepeg tayon ibasad sikato? Panon karakel so nepeg tayon talakayen? Ompan kaukolan tayoy mangiparaan na sakey ya ilustrasyon, eksplinasyon, odino saray tepet pian natulongan tayoy iyaaralan tayo a natalosan so impormasyon. Sakey ni, lapud si Jehova so mamapabaleg ed bini na katuaan ed puso, kaukolan tayon kerewen ed sikato a bendisyonan toy pampaparaan tayo, say iyaaralan tayo, tan say pansasagpot tayon tulongan ed espiritual so iyaaralan tayo.​—1 Cor. 3:6; Sant. 1:5.