KAYAMANAN ED SALITA NA DIOS | JEREMIAS 51-52
Ontutua so Amin ya Salita nen Jehova
Impasakbay nen Jehova iray eksakton nagawa ed arapen
Guardia ed palasyo na Persia ya walay awit ton pana
“Iyubol yo ray pana”
Saray Medo tan Persiano et eksperton managpana tan pana so manunan armas da. Iyuubol da ray pana ra pian mas makdem tan ompanek ya maong
“Tinmunda lan milaban iray sundalo na Babilonia”
Oniay nabasad Nabonidus Chronicle: “Akaloob ed Babilonia iray sundalo nen Ciro ya anggapoy agawan labanan.” Labay ton ibaga et asumpal imay impropesiya nen Jeremias ya anggapoy nagawan panlalaban
Say Nabonidus Chronicle
“Magmaliw a bunton na saray bato so Babilonia [tan] agla napanayaman ed andi-anggaan”
Manlapu nen 539 B.C.E., ginmapon kinmapuy so pakapanyari na Babilonia. Plano nen Alexander the Great ya gawaen so Babilonia ya capital city na empiryo to, balet biglan inatey. Nen ginmapo so panaon na saray Kristiano, wala ni ray Judio ya manaayam ed Babilonia, kanian binmisita ditan si apostol Pedro. Balet nen komapat ya siglo C.E., aderal la so syudad tan sinmabi panaon et agla napanayaman