Mansiansian Alerto tan Aktibo ed Espiritual no Wala ray Pananguman

Walan-wala ray pananguman lalo lad sarayan kaunoran ya agew. (1Co 7:31) Inilaloan tayo man o andi, positibo man o negatibo, no walay pananguman et nayarin naapektoay panagdayew tayo tan say relasyon tayod si Jehova. Antoy makatulong ed sikatayon mansiansian alerto tan aktibo ed espiritual no wala ray pananguman? Bantayan so video ya Mansiansian Mabiskeg ed Espiritual no Onalis na Ayaman, insan ebatan irayan tepet:

• Antoy simbawa na sakey a brother ed samay tatay?

• Panon ya onaplika ed situasyon na pamilya so prinsipyo ed Mateo 7:25?

• Panon ya implano na pamilya so iyalis da, tan antoy nitulong na satan ed sikara?

• Antoy akatulong ed pamilya pian maka-adjust irad balon kongregasyon tan teritorya?

Anto ray pananguman ya naeksperiensyak ed agano ni?

Panon kon niyaplika iray prinsipyo ya naaralan kod sayan video diad situasyon ko?