Say Video a Nepeg a Seryoson Morekdeken
1 Pigaran taon lay apalabas, naandi so interes na sakey a kalangweran ya agin laki ed katuaan, tan naandi so relasyon to ed si Jehova lapud impluensya na saray kaaron pinili to. Insan nipaway so video a Young People Ask—How Can I Make Real Friends? Oniay insulat to: “Diad aminpigan impanbantay ko ed video, mantedter iray luak. Misalamat ak ed si Jehova lapud tulong to ed dugan panaon.” Lapud satan a video, sikato so apakiwas a manguman ed bilay to tan mananap na dugan klase na kakaaro. Inyarum to: “Mapatnag a kabisado yo iray mangaapekta ed saray kalangweran.” Sikayoran atateng tan kalangweran, akin ta no bantayan yo lamet iyan video diad ontumbok a panagaral yo bilang pamilya tan pantongtongan yo iray tepet ed onggendan iran parapo?
2 Introduksion: Anto so tuan kaaro?—Uli. 18:24.
3 Saray Babeng ed Pikakaaro: Panon yon natalonaan so liknaan na aglabay a piulopan na arum? (Fil. 2:4) Akin a nepeg kayon mabulos a mamaaligwas ed personalidad yo tan siopa so makatulong ed sikayo pian nagawaan itan? Anto so mangilukas ed saray pankanawnawan nawalaan na dakel nin kakaaro, tan iner so pakaromogan ed sikara?—2 Cor. 6:13.
4 Pikakaaro ed Dios: Panon yon nabayuboan so maapit a relasyon ed si Jehova, tan akin a makanakana so panggawa ed satan? (Sal. 34:8) Siopa so sankaabigan a mamabiskeg ed pikakaaro yo ed Dios?
5 Saray Agmanepeg a Klase na Kakaaro: Siopa iray mauges a kaulop? (1 Cor. 15:33) Panon a makaderal ed espiritualidad na sakey so pakawalaan na saray makapuy a kakaaro? Anto so naaralan yon leksion ed salaysay na Biblia nipaakar ed si Dina?—Gen. 34:1, 2, 7, 19.
6 Say Modernon Drama: Panon a naapektoan si Tara ed paneermen to? Panon ton inkatunongan so piuulop to ed saray taga-mundon kakaaro? Antoran kapeligroan so angidungetan da ed sikato? Akin ya ag-amoria na atateng to so kapeligroan ya inkidungetan to, balet panon dan inuman so awawey da ta pian sikato so natulongan dan onabig ed espiritual? Panon a nagmaliw a peteg a kaaro ed si Tara so sakey a payunir ya agin bii? Akin a nepeg a tumboken na saray Kristiano so Uliran 13:20 tan Jeremias 17:9? Anton importantin leksion so naaralan nen Tara?
7 Konklusyon: Antoran leksion so naaralan yo ed sayan video? Panon yon nausar iya pian tulongan so arum?—Sal. 71:17.