KAYAMANAN ED SALITA NA DIOS | MARCOS 3-4
Pamaabig Legan na Sabaton
Akin et naermenan a maong si Jesus ed ugali na saray Judion lider na relihyon? Lapud ginawa dan makapabelat so Sabaton diad impanggawa ray dakdakel ya agnakaukolan iran ganggan. Alimbawa, insebel day pamatey na temel. Iyaabuloy da labat so pantambal no napepeligro lay bilay. Labay ton ibaga, legan na Sabaton et agnayarin paabigen so sakey ya aputer so pukel to odino apiley. Kanian anggapon talagay malasakit na saray lider na relihyon ed lakin kinmebet so lima to.