Paaligwasen Iray Abilidad Tayod Ministeryo​—Pangusar ed JW.ORG

NO AKIN YA IMPORTANTE: Amin ya publikasyon ya walad Teaching Toolbox (Uusaren Tayod Panagbangat) et ididirekta to tayod jw.org. Diad tua, say manunan gagala na contact card tan say tract ya Iner Naamtaay Ebat ed Importante Iran Tepet et pian lukasan na saray totoo so website tayo. Sarag moy mangiyopresi na publikasyon manlapud Teaching Toolbox diad pangusar ed jw.org pian mangipawit na elektronikon kopya ed e-mail odino mangi-share na link. Mausa-usar iya no manpupulong ka ed saray mansasalita na sananey a lenguahe. Ontan met, nayarin wala ray tepet na totoo a saray ebat et nabasad saray publikasyon ya anggapod Teaching Toolbox. No amta tayon usaren so website, mas magmaliw tayon epektibo ed ministeryo.

NO PANON IYAN NAGAWAAN:

• 

  Usaren so tab ya “BANGAT NA BIBLIA.” Singa bilang, no ateng so pupulongan mo tan labay ton naamtaan ni so nipaakar ed panagpabaleg na ananak, onlad BANGAT NA BIBLIA > PANANGASAWA TAN PAMILYA.

• Usaren so tab ya “PUBLIKASYON.” Singa bilang, no mani-informal witnessing kad eskuelaan tan labay moy mangiyopresi ed kaklasem na brosyur ya Ebat ed 10 Tepet na Saray Kabataan, onlad PUBLIKASYON > LIBRO TAN BROSYUR.

• Usaren so tab ya “NIPAAKAR ED SIKAMI.” Singa bilang, no pupulongan mo so katrabahom ya labay toy makabasa na antikey ya impormasyon nipaakar ed papanisiaan tayo, onlad NIPAAKAR ED SIKAMI > MABETBET YA ITETEPET.

BANTAYAN SO VIDEO YA PANGUSAR ED JW.ORG, INSAN AMTAEN NO INER KA ONLAD WEBSITE PIAN NATULONGAN SO:

• sakey ya ateista

• sakey ya akaeksperiensya na trahedya

• sakey ya inaktibon agi

• sakey ya papawilen mo ya labay ton amtaen no iner so panlalapuan na pundo tayo

• sakey ya nanlapud arum a bansa ya labay toy miaral ed lugar da