Inar-aro nen Jehova Iray Mapalinis a Totoo

“Manuras kay limam. Manpanis ka. Manbantak kay basura.” Ibabangat na dakel ya atateng iray ananak da ya magmaliw iran mapalinis. Balet diad tua, saray prinsipyo ed kalinisan et nanlapud masanton Dios tayon si Jehova. (Ex 30:18-20; De 23:14; 2Co 7:1) No naynay ya malinis so laman tan saray gamit tayo, napapagalangan tayoy Jehova. (1Pe 1:14-16) Kumusta balet so abung tan sular tayo? Aliwan singa arum a totoo ya mahilig ya manbantak na basura anggan iner, saray Kristiano et pansasagpotan dan pansiansiaen ya malinis so dalin a panaayaman tayo. (Sal 115:16; Apo 11:18) Anggan diad saray angkelag a bengatla, nanengneng no talagan mapalinis tayo, singa say pambantak tayoy bubble gum, plastik, odino ubak na kendi. Diad amin ya aspekto na bilay tayo, labay tayon ‘irekomenda so sarili tayo bilang ministro na Dios.’—2Co 6:3, 4.

BANTAYAN SO VIDEO YA INAR-ARO NA DIOS IRAY MAPALINIS A TOTOO, INSAN EBATAN IRAYA:

• Anto ray baraan na arum no akin ya ag-ira makakapanlinis?

• Panon ya napatnagan ed Mosaikon Ganggan so panmoria nen Jehova ed kalinisan?

• Panon tayon nidayew si Jehova anggan agtayo mansasalita?