Panon Kamabli ed Sika so Salita na Dios?

Nabasa ed Biblia no antoy walad nonot tan no antoy labay na Dios ya Jehova, say Autor na sayan masanton libro. (2Pe 1:20, 21) Lapud indanet na Biblia ya si Jehova so makanepegan a manuley panamegley na Panarian to, mangiiter itan na ilalo ed totoo ya asingsingger lan manguman so kipapasen na mundo. Ipapaamta met na Biblia iray balibalin kualidad na Ama tayod tawen ya si Jehova.​—Sal 86:15.

Papablien tayo so Salita nen Jehova lapud nanduruman rason. Balet kasin ipapanengneng tayon mabmabli iyan regalo diad inagew-agew ya pambasa tan pangiyaplika na saray prinsipyo na Biblia ed bilay tayo? Komon ta nanengneng ed kabibilay tayo ya mipara so nalilikna tayo ed alikna na salmista: “Ontan lay panangarok ed ganggan mo!”—Sal 119:97.

BANTAYAN SO VIDEO YA PINABPABLI DA SO BIBLIA—VIDEO CLIP (WILLIAM TYNDALE), INSAN EBATAN IRAYA:

• 

  Akin et impatalos nen William Tyndale so kabiangan na Biblia?

• Akin ya makapadinayew so impansagpot to ya ipatalos so Biblia?

• Panon ya nipuslit diad England iray kopya na Biblia ya impatalos nen Tyndale?

• Panon tayon nipanengneng ya papablien tayo so Salita na Dios?