Anto ray Naaralan Mo ed Saray Orihinal a Kansion Tayo?

Antoy paboritom ya orihinal a kansion tayo? Akin et paboritom itan? Kasin maka-relate ka ed satan? Nanduruma so tema tan estilo na saray musika tayo kanian seguradon walay nagustoan na amin. Balet saray orihinal a kansion tan music video tayo et agginawa pian dengelen tan bantayan labat.

Imbes, makaaral tayo na praktikal iran leksion diad kada orihinal a kansion ya niyaplika tayod ministeryo tan bilay tayo bilang Kristiano. Say arum ya kansion tayo et nipaakar ed panagparawes, pankakasakey, pankakaaro, pakpel, panangaro, odino pananisia. Wala met so nipaakar ed panamerdona, pansiansian matoor, panggawa na goal ed espiritual, tan ipawil ed si Jehova. Wala ni ingey orihinal a kansion tayo nipaakar ed balansin panangusar na cellphone. Anto ni ran praktikal a leksion so naaralan mo ed saray orihinal a kansion tayo?

BANTAYAN SO VIDEO NA ORIHINAL A KANSION YA ASINGSINGGER LA, INSAN EBATAN IRAYA:

• Anto ran bendisyon ed arapen so iimadyinen na maedad lan sanasawa?​—Ge 12:3

• Panon tayon napabiskeg so pananisia tayo ed pakayari nen Jehova a sumpalen iray sipan to?

• Anton maliket ya reunion so asingsingger lan nagawa?

• Panon ya makatulong so ilalo tayod arapen pian nasarag tayo ray subok natan?​—Rom 8:25