Kasin Akaparaan Ka?

No walay onsabin kalamidad, kasin akaparaan ka? Saray yegyeg, bagyo, pool, landslide, tan delap et bigla labat ya nagagawa tan mapeligro. Sakey ni, saray gulo, epidemya, tan iyaataki na terorista et nagagawa ed anggan iner tan biglaan labat. (Ec 9:11) Agtayo komon iisipen ya agbalot nagawa iratan ed lugar tayo.

Amin tayo et nepeg ya manparaan parad saray kalamidad. (Pro 22:3) Anggaman mangiiter na tulong so organisasyon nen Jehova sano walay kalamidad, siansia nin walay responsabilidad na balang sakey.​—Gal 6:5.

BANTAYAN SO VIDEO YA KASIN AKAPARAAN KA NO WALAY ONSABIN KALAMIDAD? INSAN EBATAN IRAYA:

• 

  Panon ya makatulong ed sikatayo so mabiskeg ya espiritualidad no walay kalamidad?

• 

  Akin et importante ya . . .

  • • kontaken iray elder antis, legan, tan kayari na kalamidad?

  • • mangiparaan tayo lay emergency kit?—g17.5 6

  • • amtaen iray klase na kalamidad ya posiblin nagawa tan no antoy gawaen tayo ed kada situasyon?

• 

  Antoy taloran nagawaan tayo pian makatulong ed saramay biktima na kalamidad?