Atateng, Ibangat Yo Ray Ananak Yo

Manbibilay tayo ed mundo ya mangibabagan say maong et mauges tan say mauges et maong. (Isa 5:20) Makapaermen ta wala ray totoo ya gagawaen da ray kabusol nen Jehova, singa say marutak ya gagawaen na parehon laki o parehon bii. Nayarin impluensyaan na saray kaeskuela odino na arum ni iray inar-aro tayon ananak ya onalig ed sikara. Panon yon iparaan iray anak yo pian amta day gawaen da no wala ray onian subok?

Ipaamta ed sikara iray estandarte nen Jehova. (Le 18:3) Kalkalnan ibangat ed sikara no antoy ibabaga na Biblia nipaakar ed sex. Balet kaukolan yon ikonsidera so edad da tan no kasin natalosan da itan. (De 6:7) Tepetan yoy sarili yo: ‘Kasin imbangat ko lad ananak ko so dugan paraan na pangipanengneng na panangaro, say kaimportantian na masimpit ya panangawes, tan say panrespeto na arum ed pribadon parte na laman da? Amta la kasi na anak ko so gawaen da no walay angipanengneng tan nampabantay na pornograpiya odino manpapagawa ed sikara na bengatlan mauges parad si Jehova?’ No masakbay yo la ran ibangat, napaliisan so dakel ya problema. (Pro 27:12; Ec 7:12) No gawaen yo itan, nipapanengneng yon inaro yo iray anak yo, ya mablin tawir yo manlapud si Jehova.​—Sal 127:3.

BANTAYAN SO VIDEO YA MANGIPAALAGEY NA ABUNG YA MAKAPANSIANSIA—PROTEKTAAN SO ANANAK YO ED SARAY “MAUGES,” INSAN EBATAN IRAYA:

• 

  Akin et manaalangan so arum ya atateng ya ibangat ed ananak day nipaakar ed sex?

• 

  Akin et kaukolan ya ipasal na atateng so ananak da diad “disiplina tan panamilin nen Jehova”?​—Efe 6:4

• 

  Anto ray intarya na organisasyon nen Jehova ya makatulong ed atateng pian nibangat day ananak da nipaakar ed sex?​—w19.05 12, kahon

• Akin et kaukolan ya regular kayon mitongtong ed ananak yo antis ni ran naproblema?