MAGMALIW YA EPEKTIBO ED MINISTERYO | GAWAM YA MAS MAKAPALIKET SO MINISTERYOM

Mabilabilay a Manbangat

Makaalis so inkaligsa. Mas ondengel iray totoo no maligsa itayon mitotongtong ed sikara. Ipanengneng met na satan ya importante ed sikatayo so mensahen ibabaga tayo. Antokaman so binalegan o personalidad tayo, sarag tayoy magmaliw ya maligsa. (Rom 12:11) Panon?

Unona, isip mo no panon kaimportante so mensahen ibabagam. Pribilehyom so ‘mangiyabawag na maong a balita nipaakar ed saray maong a bengatla!’ (Rom 10:15) Komadua, isip mo ray positibon epekto na maong a balita ed katongtong mo. Importantin narengel da so ibagam. (Rom 10:13, 14) Tan kaunoran, dapat mabilabilay so panagsalitam, natural labat iray andawes mo tan napatnagan ed lupam so tuan naliliknam.

BANTAYAN SO VIDEO NA DRAMATIZATION YA NALIKNAM SO LIKET ED KIMEY A PANAGBANGAT—PAALIGWASEN SO DUNONG MO—MABILABILAY A MANBANGAT, INSAN EBATAN IRAYAN TEPET:

Akin et naandi so ligsa nen Neeta diad pangiyaaral to na Biblia ed si Jade?
Antoy akatulong ed si Neeta pian ompawil so ligsa to?
Makaalis so inkaligsa

Akin ya say dapat tayon pampokusan et saray balibalin kualidad na katongtong tayo?
Antoy nayarin epekto na inkaligsa tayo ed saray iyaaralan tayoy Biblia tan ed arum?