Ibangat Iray Iyaaralan Mo na Biblia ya Pabiskegen Day Espiritualidad Da

Pian napenek so pankaukolan na saray iyaaralan mo ya nakabat si Jehova tan magmaliw iran mabiskeg ed espiritual, nepeg ya aliwa labat ya saray katuaan ed Biblia ya ibabangat mo ed sikara so naaralan da. (Mat 5:3; Heb 5:12–6:2) Kaukolan da met ya naaralan no panon dan pabiskegen so espiritualidad da.

Diad gapo ni labat, ipanengneng mo lad saray iyaaralan mo no panon mon ipaparaan so aaralen yo tan pasesegen iran ontan met so gawaen da. (mwb18.03 6) Paseseg mo ran manpikasi ni kada no man-personal study ira. Ibangat mo ra no panon dan lukasan tan usaren so website tayo tan i-download iray app parad panag-aral. Ipaliwawam no panon dan nasubaybayan iray balo ed jw.org tan JW Broadcasting^®. Kalkalnam iran ibangat ya basaen dan inagew-agew so Biblia, manparaan parad saray aral, tan man-research na ebat ed saray tepet da. Ibangat mo ran dalepdepen iray nanaaralan da.

BANTAYAN SO VIDEO NA DRAMATIZATION YA TULONGAN IRAY IYAARALAN MO NA BIBLIA YA PABISKEGEN DAY ESPIRITUALIDAD DA, INSAN EBATAN IRAYAN TEPET:

• 

  Panon ya tinulongan nen Neeta si Jade ya natalosan ya say panag-aral et aliwa labat ya basta anapey ebat ed saray tepet?

• 

  Antoy akakombinse ed si Jade ya duga si Jehova ed pangisesebel to ed seksual ya imoralidad?

• 

  Antoy atalosan nen Jade nipaakar ed panagdalepdep?