Tulongan Iray Iyaaralan Mo na Biblia ya Nawalaay Personal ya Relasyon ed si Jehova

Labay nen Jehova ya manlingkor tayod sikato lapud inaro tayo. (Mat 22:37, 38) No inaro na saray iyaaralan na Biblia so Dios, atan so mamakiwas ed sikaran manggaway pananguman tan magmaliw ya mapekder ed saray subok. (1Jn 5:3) Lapud inaro day Dios, napakiwas iran manpabautismo.

Tulongan mo ray iyaaralan mo ya nanengneng day panangaro nen Jehova ed sikara. Nayarim ya itepet iraya: “Antoy naaralan mo ed saya nipaakar ed si Jehova?” odino “Panon mon napatnagan ed saya ya inar-aro ka na Dios?” Tulongan mo ran nanengneng da so tulong nen Jehova ed sikara. (2Aw 16:9) Manginabang na saray alimbawa no panon ya inebatan nen Jehova iray espisipikon pikakasim, tan paseseg mo ran imanoen so pangeebat nen Jehova ed saray pikakasi da. Seguradon malikeliket ka no nanengneng mo iray iyaaralan mo ya aawaten day panangaro nen Jehova ed sikara tan ipapanengneng dan inar-aro da met si Jehova.

BANTAYAN SO VIDEO NA DRAMATIZATION YA TULONGAN IRAY IYAARALAN MO NA BIBLIA YA NAWALAAY PERSONAL YA RELASYON ED SI JEHOVA, INSAN EBATAN IRAYAN TEPET:

• 

  Anton subok so inarap nen Jade?

• 

  Panon ya tinulongan nen Neeta si Jade?

• 

  Panon ya asarag nen Jade so subok?