BILAY NA KRISTIANO

Aligen so Matoor ya Panangaro nen Jehova

Si Jehova so sankaabigan ya alimbawa ed pangipanengneng na matoor ya panangaro. (Sal 103:11) Atan ya panangaro et agbalot onkupas. Kaiba ed matoor ya panangaro so aralem tan manbayag ya relasyon. Impanengneng itan nen Jehova ed saray totoo tod Israel diad dakel ya paraan. Imbulos to ra ed impakaaripen dad Ehipto tan inawit to rad Insipan a Dalin. (Sal 105:42-44) Inliktar to ray totoo to tan aminpigapiga to iran pinerdona ed saray agawaan dan kasalanan. (Sal 107:19, 20) Legan tayon ‘nononoten a maong so matoor a panangaron impatnag nen Jehova,’ napakiwas itayon aligen si Jehova.—Sal 107:43.

Saray Litrato: Saray ilustrasyon ya inalad video ya “Nonot Yon Maong Iray Matoor a Panangaron Ipapatnag nen Jehova.” 1. Binisita nen Brother Capra tan sakey nin brother so sakey a sister diad abung to. 2. Si Brother Capra et wala lad prisoan ya kaiba to ray arum nin brother, tan iikdan toy naakan so mansasakit ya brother ya walad dukolan.

BANTAYAN SO VIDEO NA DRAMATIZATION YA ‘NONOT YON MAONG IRAY MATOOR A PANANGARON IPAPATNAG NEN JEHOVA,’ INSAN EBATAN IRAYAN TEPET:

Diad anto ran paraan tayo nipanengneng so matoor ya panangaro?

Your answer
Akin et kaukolan tayoy mansakripisyo pian nipanengneng so matoor ya panangaro?

Your answer