Ililiktar nen Jehova Iramay Nagogonigon so Espiritu Ra

Amin tayo et naeermenan no maminsan. Balet agto labay ya ibaga ya no maermen ka et makapuy lay espiritualidad mo. Ta anggan si Jehova et ipapaamta to ya makakalikna met na ermen no maminsan. (Ge 6:​5, 6) Pero panon to no grabe lay ermen tayo odino lanang la?

Manpatulong kad si Jehova. Interesadon maong si Jehova ed mental tan emotional health tayo. Amta to no maliket tayo tan no maermen tayo. Natatalosan to met no akin ya ontan so nalilikna tayo. (Sal 7:9b) Balet say sankaimportantian, inar-aro to tayo tan sarasarag to tayon tulongan pian nasarag tayoy ermen tan anggan sano nadi-depress tayo la.—Sal 34:18.

Protektaan moy isip mo. No negatiboy iisipen tayo, naandi liket tayo tan naapektoan met so panagdayew tayo. Kanian importante ya protektaan tayoy puso tayo—say interon inkatoo tayo, kaiba lay nonot tan liknaan tayo.—Pro 4:23.

BANTAYAN SO VIDEO YA NO PANON YA NALILIKNA NA AGAGI TAYO SO DEEN NA LIKNAAN ANGGANO NADI-DEPRESS IRA, INSAN EBATAN IRAYAN TEPET:

• Anto ray praktikal ya ginawa nen Nikki pian nasarag toy pakaka-depress to?

  Say ebat mo

• Akin et naisip nen Nikki ya kaukolan to lay manpa-doktor?—Mat 9:12

  Say ebat mo

• Panon ya nanmatalek si Nikki ed tulong nen Jehova?

  Say ebat mo