Iner mo naromog so napantiwalaan ya giya natan?

Lapud maples ya manguuman so mundo, panon kan makaseguro ya saray gawaen mon desisyon et maong so resulta to? Panon kan makaseguro ya say ipapasen ya duga natan et ag-ipasen ya aliwa diad arapen?

Natulongan ka na Biblia ya manggaway desisyon ya agmon balot pagbabawian. Panon? Say Biblia et nanlapud Amalsa ed sikatayo kanian amta to no antoy makapangiter ed sikatayo na tuan liket tan maong ya arapen.

Talagan makapantiwala tayo ed karunongan ya manlalapud Biblia. “Naynay iratan a napandependian, natan tan diad andi-anggaan.”​—Salmo 111:8.

Papasesegen mi ka ya aralen mon mismo no panon kan natulongan na Biblia diad sayan manguuman ya mundo.