Introduksion
Kasin papangarapen moy manbilay ed mundon anggapo lay guerra odino panlalaban? Parad dakel, balibali ’tan, pero singa kugip labat. Ibabaga na Biblia no akin ya agnapatunda na too so guerra. Ipapaliwawa to met ya talagan posible so kareenan ed interon mundo tan magano la itan ya nagawa.
Diad sayan magasin, say “guerra” tan “panlalaban” ya nabibitla et amay panlalaban na saray bansa o politika ya gamit iray armas odino militar da. Sinalatan so kangaranan na arum ed saray totoon abitla dia.