“Suhestion ed Pangiyopresi na Saray Magasin ed . . .”

Kada bulan et regular a kabiangan ed Pantitipon Parad Panagserbi so nipaakar ed pangiyopresi ed saray magasin. Say gagala na saya et aliwa labat lan pian repasoen so karga na saray magasin. Noagta pian pantongtongan iray ideya no panon ya iyopresi iratan. Kanian, base ed instruksion, say akanbetang et mangiter na antikey ya introduksion pian napaseseg iray agagi ya mangimano ed saray magasin. Insan, kerewen toy suhestion na saray agagi ed kada artikulo (odino serye) pian natumbok na amin tan nisulat iray ideyan labay dan usaren. Imbes ya kerewen tod sikara ya mangiter na kompleton presentasyon, kerewen to labat ya mangiter ira na makapainteres ya tepet. Insan kayari na satan et say tekston ibasa ra. Diad sampot et ipademostra to no panon ya ipresenta so kada magasin. Komon ta basaen tayo lan masakbay iray magasin pian makapangiter na suhestion. No akaparaan tayon amin, ‘napatarem’ tayoy lupa na balang sakey.​—Uli. 27:17, NW.