Inggloria nen Jesus so Ama To

7:15-18, 28, 29; 8:29

Diad amin ya imbaga tan ginawa nen Jesus, inggloria toy Ama tod tawen. Labay nen Jesus ya naamtaan na totoo ya say mensahe to et nanlapud Dios. Kanian imbase tod Kasulatan iray bangat to tan saray imbaga to et mabetbet ton aalaen ditan. Nen sikatoy inrayew, agto itan inawat tan impaarap toy dayew ed si Jehova. Say manuna ed sikato et sumpalen so kimey ya pagagawa nen Jehova.​—Jn 17:4.

Panon tayon naalig si Jesus no . . .

• mangiyaaral tayo na Biblia odino manbabangat tayo ed kongregasyon?

• irarayew itayo na arum?

• mandedesisyon tayo no panon tayon usaren so panaon tayo?