LEKSION 5

Suston Panagbasa

1 Timoteo 4:13

SUMARYO: Basaen ya maksil no antoy eksakton akasulat ed pahina.

Manparaan ya maong. Nonoten no akin ya insulat so materyal ya basaen. Ipraktis ya basaen iray grupo na salita, aliwan sansakey ya salita. Apiger moy pambasam pian agmo naaruman, nalampasan, odino nasalatan iray salita. Imanoen so amin ya punctuation mark.

Kerewen ed sakey a kaaro ya dengelen toy panagbasam insan to ipaimano iray salita ya aliway impanbasam.
Ibalikas ya duga so kada salita. No agmo amta so dugan pangibalikas ed sakey a salita, nengneng mod diksionaryo, dengel moy audio recording na satan ya publikasyon, odino patulongan ka ed sakey a maong ya manbasa.
Mansalitan malinew. Apiger moy panangibalikas mo, ya akatangway ulom tan ilukas mon maong so sangim. Pansagpotan mon bitlaen ya malinew so kada salita.

Agmo balet gagawaen ya sobsobran malinew so pangibalikas mod saray salita ta ompan magmaliw laingen ya aliwan natural so panagbasam.