LEKSION 11

Mabilabilay a Panagsalita

Roma 12:11

SUMARYO: Mansalitan maligligsa pian sagyaten tan pakiwasen iray ondedengel.

Ipapusom so mensahe. No ipaparaan moy presentasyon mo odino paliwawam, nonot mon maong so kaimportantian na mensahem. Aral mon maong so reperensya pian nibalikas mo itan a manlapud puso.
Nonot mo iray ondengel ed sika. Dalepdepen no panon ya nagunggonaan so arum ed basaen odino ibangat mon impormasyon. Isipen iray paraan na pangipresentam pian malinew ya nanengneng na saray ondedengel no panon iran nagunggonaan.
Gawaen a mabilabilay so presentasyon mo odino paliwawam. Mansalitan maligligsa. Mangusar na saray natural ya andawes odino galaw na laman tan lima tan ekspresyon na lupa pian ipatnag so tuan naliliknam.

Agmanguusar na apasakey ya andawes pian agmagmaliw ya mannerism odino paulit-ulit ya galaw, ta mangala itan na imano. Gawam ya matukoy iray andawes mo. Mansalitan mabilabilay lalo la no ibabangat mo ray manunan punto tan no pakikiwasen mo iray ondedengel. Agmo gagawaen ya sobra tan diretso ya maligsa so panagsalitam diad interon presentasyon mo odino paliwawam pian agnakesawan iray ondedengel.