Sarag Mo Kasin Ipaliwawa so Papanisiaan Mo?

No walay mantepet ed sika no kasin manisia ka ya pinalsa na Dios so amin a bengatla, antoy ibagam? Pian segurado kad iyebat mo, walay duaran nepeg mon gawaen: Unona, nepeg ya kombinsido ka ya say impamalsa et tua. (Rom 12:1, 2) Komadua, isip mo no panon mon ipaliwawa ed arum so papanisiaan mo.​—Pro 15:28.

BANTAYAN IRAY VIDEO YA IMPALIWAWA NA ORTHOPEDIC SURGEON SO PANANISIA TO TAN IMPALIWAWA NA ZOOLOGIST SO PANANISIA TO PIAN NAAMTAAN SO RASON NA ARUM NO AKIN YA MANISIA IRA YA WALAY AMALSA, INSAN EBATAN IRAYA:

• 

  Akin ya manisia si Irène Hof Laurenceau ed impamalsa imbes ya diad ebolusyon?

• 

  Akin ya manisia si Yaroslav Dovhanych ed impamalsa imbes ya diad ebolusyon?

• Panon mon ipaliwawa ed arum no akin ya manisia kan walay Amalsa?

• Anto ran im-publish na organisasyon nen Jehova ya walad lenguahem so makatulong pian napaneknekan mo ed sarilim tan ed arum, ya pinalsa na Dios so amin a bengatla?