Tepet

◼ Antoray pankaabigan na iyatendi ed kongregasyon ya akan-teritorya ed panaayaman tayo?

Diad panamegley na uksoyan na kongregasyon, napapaseseg itayon ‘manaayatan ed aro tan dia ed saray maabig a gawa.’ (Heb. 10:24, 25) Diad panamegley na kongregasyon et naaaralan tayo so katuaan tan nakikinlongan itayon manumpal ed asainmin tayo a manggawa na saray babangatan. (Mat. 28:19, 20) Napapabiskeg itayo met a matoor a sungdoan iray subok tan walaan itayo na saray maaron manangasikaso pian ontulong ed sikatayon natalonaan iray dakel a desdes tan kapagaan. Mabitar, say kongregasyon so makana parad espiritual a kisalba tayo. Balet, kasin walaray pankaabigan na iyatendi ed kongregasyon ya akan-teritorya ed panaayaman tayo?

Nanduruma iray sirkumstansya na indibidual, tan saray sengegan a singa say sekular a trabaho, agmananisian asawa, tan transportasyon so nayarin mangapekta ed pinal a desisyon na sakey no iner a kongregasyon so atendian to. Ingen, walaray pihon pankaabigan, ed espiritual tan arum nira, sano say sakey so mililimog ed kongregasyon ya akan-teritorya ed panaayaman to. Saray mamatatken so mas maples a makakontak ed amin a manangipalapag no walaray emerhensia. Saray apalabas a Tepet so angipabitar la ed arum niran pankaabigan.​—Hunyo 1991, Mayo 1976, tan Marso 1967.

Kaslakan, lalon kombeniente so iyatendi ed saray miting diad asingger tan makasabi itayon masakbay pian makapitongtong ed arum, naasikaso iray nakaukolan iran bengatla, tan makapibiang ed pangigapon kanta tan pikakasi. No asingger ed panaayaman tayo iray balo nin interesado, kaslakan et mas mainomay tayo iran napasyar, nikondukta so panagaral na Biblia ed sikara, tan nitagar ira ed saray miting a kombenientin maong ed sikara.

Matalek kami a balang ulo na pamilya so sipipikasin mangikonsidera ed sayan pamaakaran, a simbangen a maong iray amin ya aspekto a nalalanor diad panetermina no antoy sankaabigan parad espiritual tan pisikal a pankaabigan na pamilya ra.​—1 Tim. 5:8.