KAHON 18A
Angiter si Jehova na Pasakbay ed Onsasabin Baleg ya Guerra
Dakel so propesiyad Biblia ya mangipapasakbay ed baleg ya guerra ya deralen nen Jehova so amin ya onsusumpa ed sikato tan ed totoo to. Nia ray pigara labat ed saratan ya propesiya. Nengnengen iray pamparehoan na saratan ya pasakbay, tan imanoen ya sineguro nen Jehova ya nawalaan na pankanawnawa so amin a totoo pian ondengel tan onkiwas.
DIAD ISRAEL NENSAMAN
EZEQUIEL: “‘Tawagen koy sakey ya espada sumpad [si Gog] ed amin a palandey ko,’ so imbaga na Soberanon Katawan a Jehova.”—Eze. 38:18-23.
JEREMIAS: “[Si Jehova a] mismo so mangukom ed amin a totoo. Tan iyawat tod espada iray mauges.”—Jer. 25:31-33.
DANIEL: “Say Dios na tawen et mangiletneg na panarian . . . tan sayan panarian et . . . buyaken tan panganggaen to irayan amin a panarian.”—Dan. 2:44.
NEN UNONAN SIGLO C.E.
JESUS: “Wala naani so baleg a kairapan ya agni agawa manlapud inggapo na mundo.”—Mat. 24:21, 22.
PABLO: “[Si] Jesus . . . a kaiba iray makapanyarin anghel to [et] ombales ed saramay agda kabat so Dios.”—2 Tes. 1:6-9.
PEDRO: “Say agew nen Jehova et onsabin singa matakew, . . . tan say dalin tan saray kimey ditan et omparungtal.”—2 Ped. 3:10.
JUAN: “Diad sangi [nen Jesus] et ompapaway so sakey a makdem tan andukey ya espada a pangabil tod saray nasyon.”—Apo. 19:11-18.
DIAD PANAON TAYO
Say Biblia et nipatalos ed sankarakelan a lenguahe tan sankarakelan a kopya so nibunog
SARAY LINGKOR NEN JEHOVA ED PANAON TAYO ET . . .
Mangibubunog na binilyon ya kopya na literaturan base ed Biblia diad nilasus ya lenguahe
Manguusar na nilasus milyon ya oras kada taon diad panagpulong