Panliketan Mo so Agmanganggan Bendisyon na Maaron Dios

• Kasin labalabay mo lan naandi so guerra, inkaruksa, tan kolkolan?

• Kasin iisipen mo ya anggapo la komoy sakit, paniirap, tan patey?

• Kasin labalabay mo lan naandi iray kapagaan tan problema?

• Kasin pipirawaten moy manayam ed lugar ya anggapo lay natural iran kalamidad?

Say maaron Dios tayo, say nanggawa na balibalin planeta tayo, et impromisa to ya ikdan to iray totoo na maliket tan mareen ya bilay diad andi-anggaan. Aliwa iyan kugip.

Diad saray ontumbok ya artikulo, naamtaan mo iraya:

• No antoy nalilikna na Amalsa parad totoo

• No antoy mensahe na Dios ed sikatayo

• No antoy impaamta na saray propeta na Dios nipaakar ed promisa to parad totoo

• No panon itayon tulongan na Dios ya magmaliw a maliket natan tan diad arapen

Amtaen tayo nin unona so amin ya ginawa na Amalsa parad sikatayo ya mangipapanengneng ya inad-aro to itayo.