Saray Bendisyon na Saramay Ontutulong ed Mankaukolan

Diad interon mundo, dakel ya totoo so mankaukolan na naakan tan ayaman. Say arum balet et kaukolan day ilalo ed arapen. Panon ya say pansasagpot tayon tulongan so arum et makatulong pian naawat tayoy panangabobon tan bendisyon na Dios?

NO ANTOY IBABAGA NA MASANTON KASULATAN

“Samay mangipapatnag na kaabigan ed pakaskasi et manpapautang ed si Jehova, tan sikatoy balesen To ed gagawaen to.”​—PROVERBIO 19:17.

NO ANTOY LABAY YA IBAGA NA ITULONG ED MANKAUKOLAN

Walay imbaga nen Jesus ya istorya nipaakar ed sakey a laki ya sinabat na saray matakew tan intilak dan pateypateyan. (Lucas 10:29-37) Walay sakey ya too ya tinmunda pian tulongan tan asikasoen iyan pakaskasin laki. Ginawa to itan anggano duma so lahi to.

Aglabat basta tinambal na sayan maong a too iray sugat na saman ya laki, tan agto labat tinulongan ed materyal noagta sineguro to met ya makainawa ed pakakairapan to.

Antoy naaralan tayo ed sayan istorya? Impanengneng nen Jesus ya kaukolan tayon tulongan iray mankaukolan diad amin ya paraan ya nasarag tayo. (Proverbio 14:31) Ibabangat na Masanton Kasulatan ya asingger lan panganggaen na Dios so amin ya lapuan na paniirap tayo. Balet ompan isipen tayo, panon tan kapigan itan ya gawaen na Dios? Pantongtongan tayo diad onsublay ya artikulo iray bendisyon ya iter ed sikatayo na maaron Amalsa diad arapen.