Saray Kaaruman ya Artikulo ed Panag-bantayan

Halos amin tayo et uusaren tayo so JW Library^® no manpaparaan tayo parad aral ed kongregasyon. Dia ed Meetings tab et nanengneng tayo lan tampol so artikulo ed Panag-bantayan ya aralen kada simba. Pero, aliwan puros aaralen ya artikulo so walad panaralan ya edisyon na Panag-bantayan. Wala met iray kaaruman ya artikulon wadtan. Espiritual ya naakan met iratan, kanian marakep no basaen tayo. Panon mon naromog irayan kaaruman ya artikulo diad JW Library?

• Diad sampot na kada aaralen ya artikulo ed Panag-bantayan, walay nanengneng ya “Additional Reading.” Diad silong to, nanengneng mo so link ya “Other articles in this issue.” No i-tap mo itan, ompaway so table of contents. Nabirbir mon tampol no anto ray kaaruman ya artikulo ta anggapoy numero to tan anggapoy akaiyan ya “Aaralen ya Artikulo.” I-tap so title na kaaruman ya artikulo ya labay mon basaen.

• No walay balon isyu na Panag-bantayan, nanengneng mo itan ya tampol diad Home tab na JW Library diad section ya “What’s New.” No a-download mo la itan, la kad table of contents tan i-goal mo ya nabasam so amin ya artikulo ed satan ya isyu.