Debate na Television Tocante Testigonan di Yehova

Durante aña 2000 y 2001, un atake a wordo lansa contra Testigonan di Yehova na Georgia, un exrepublica di Union Sovietico. Un canal di television popular na Georgia a transmiti un debate entre un politico, kende a haci un peticion pa prohibi e obra di Testigonan di Yehova, y un profesor cu corte a asigna pa haci un investigacion a fondo di literatura di e Testigonan.

Reaccionando riba e avalancha di acusacionnan cu e politico a haci contra loke e Testigonan ta kere, e profesor a protesta cu loke e politico a bisa “no tin base.” Anto cu un ehemplar di e buki Conocimentu cu Ta Hiba na Bida Eterno den su man pa e televidentenan mira, e profesor a bisa: “At’aki loke Testigonan di Yehova ta kere.”

Despues e profesor a cuminsa lesa e prome paragraf di e buki aki, cu ta conclui cu e palabranan: “Sinembargo, pa hopi hende bida ta parce di ta presenta un problema serio tras di otro. Si esei tawata bo experencia, cobra animo.”

E publicacion aki ta contesta preguntanan biblico cu hopi hende tin. Por ehempel, e ta trata temanan manera: “Ken Ta e Dios Berdadero?”, “Pakico Nos Ta Bira Bieu y Muri?”, y “Pakico Dios Ta Permiti Sufrimento?”

Bo tin gana di haya un ehemplar di e buki aki di 192 pagina pa bo mes haci un investigacion? Bo por manda pidi un ehemplar door di yena e cupon akibou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Manda pa mi e buki Conocimentu cu Ta Hiba na Bida Eterno.

□ Por fabor, tuma contacto cu mi pa un studio di Bijbel gratis na cas.