Biento A Trec’e

Un cabayero tawata canando den e cayanan di Mumbai, India, ora cu un rafaga di biento a benta un panfleta dilanti su pia. Tawata e Noticia di Reino Num. 36, titula “E Milenio Nobo—Kico Futuro Tin pa Bo?” E topico a hala su atencion. Mesora el a coi e panfleta y les’e completo. Loke el a lesa a lanta su interes y como cu e kier a haya mas informacion, el a manda pidi un Bijbel y otro publicacion.

E panfleta, publica door di Testigonan di Yehova, ta contene pensamentonan cu ta fortifica fe. E ta splica bon cla cu e problemanan cu nos ta confronta—entre otro malesa, pobresa y guera—ta ser causa door di “golosidad, desconfiansa y egoismo, caracteristicanan cu no por ser elimina djis door di investigacion cientifico, tecnologia of politica.” Tambe e tratado ta mustra cu den futuro cercano, Dios lo libra mundo di tur maldad.

Lo bo tin gana di siña mas tocante loke Bijbel ta priminti pa futuro? Testigonan di Yehova ta duna les di Bijbel na miyones di hende den nan propio cas, uzando publicacionnan basa riba Bijbel, incluso e foyeto Kico Dios Ta Rekerí di Nos? E foyeto aki ta contesta preguntanan manera: Ken Dios ta? Kico ta Dios su proposito pa e tera? Kico ta e Reino di Dios? Con Bijbel por mehora bo bida di famia?

Si bo ta desea, un Testigo di Yehova gustosamente lo bishita bo na cas pa yuda bo compronde kico Dios ta bai haci den futuro cercano, y duna bo mas informacion tocante e Reino di Dios. Sea asina bon di yena e cupon akibou pa asina nan por yuda bo.

□ Trece pa mi un foyeto Kico Dios Ta Rekerí di Nos?

□ Por fabor, tuma contacto cu mi pa un studio di Bijbel gratis na cas.