E Reunion di Mas Importante di Aña

Imagina cu bo ta sufri di un malesa fatal. Un operacion por cura bo, pero e operacion ta mucho caro y bo no tin moda di pag’e. Awor supone cu un persona bondadoso ta interveni y ofrece pa paga pa e operacion. Lo bo no ta gradicido pa su regalo cu a salba bo bida?

Bijbel ta siña nos cu e prome hendenan, Adam cu Eva, a pasa pica y morto na tur nan desendencia. Den un sentido anto, nos tur a nace cu un malesa incurabel, y ningun di nos no tin moda pa paga pa e cura. (Salmo 49:7-9) Sinembargo, Yehova Dios a duna su Yiu Hesucristo, como un rescate pa paga e prijs di nos picanan. Debi na e regalo aki cu ta salba bida, nos tin e oportunidad di biba pa semper den Paradijs.—Romanonan 6:23.

Riba diaranson 16 di april, despues cu solo baha, Testigonan di Yehova lo conmemora e morto di Hesus. Aña pasa tawatin mas cu 15.000.000 hende presente, di cua mayoria no tawata Testigo di Yehova. Bo ta ser invita pa asisti e aña aki na e Conmemoracion di e morto di Cristo. Di berdad e ta e reunion di mas importante di aña. Por fabor, check cu Testigonan di Yehova local pa e luga y ora exacto.