Profil di un Grupo Religioso

Como parti di su les di geografia na scol secundario, Philip di 15 aña a haya e tarea di investiga y skirbi tocante un di e gruponan deportivo, politico, cultural of religioso cu tin na Sydney, Australia, su ciudad natal. Philip a scohe pa skirbi tocante e congregacion local di Testigonan di Yehova, na cua e cu su famia ta pertenece. E alumnonan mester a entrevista 20 miembro di e grupo cu nan a scohe, pa asina nan por a duna entre otro cosnan, un profil of descripcion di “e factornan cu ta caracterisa e grupo.”

Despues di a compila e resultadonan di su encuesta, Philip a skirbi: “E congregacion [local] di Testigonan di Yehova ta un organisacion religioso cu ta reuni hunto principalmente cu e proposito pa siña for di Bijbel. Durante e reunionnan aki, pasashinan di Bijbel ta wordo lesa, anto caba ta splica nan. Tambe e meta di e reunionnan ta pa siña nos con ta e miho manera pa siña otro hende tocante Bijbel. Nos ta bai di cas pa cas pa asina nos por siña otro hende na nan cas mes, caminda nan ta mas relaha. Tur miembro di e grupo ta participa den e trabou aki riba un base regular, y ta haci loke nan por, segun nan circunstancia. Fuera di siña nan mes y otro hende tocante Bijbel, e grupo ta distribui tambe E Toren di Vigilancia y Spierta! Nan ta revistanan informativo y al dia cu ta contene hopi articulo interesante tocante naturalesa, historia, y cuestionnan mundial y local. Tambe nos ta purba duna apoyo na hende angustia despues di atrocidadnan mundial teribel cu sa tuma luga, manera esun di 11 di september. Y nos ta publica literatura practico tocante temanan manera matrimonio, bida di famia y hubentud.”

Philip a haya un 10 pa su informe como cu su investigacion tawata di hopi bon calidad y bon presenta. Si abo lo tin gana di sa mas tocante e trabou cu Testigonan di Yehova ta haci, papia cu nan e siguiente biaha cu nan bishita bo cas of tuma contacto cu nan door di skirbi na e adres mas serca bo cu tin menciona na pagina 5.

[Plachi na pagina 16]

Philip

[Plachi na pagina 16]

Italia

[Plachi na pagina 16]

Australia

[Plachi na pagina 16]

Brazil

[Plachi na pagina 16]

Hulanda